§ Die veertiende hystorie vertelt hoe xanctus hem behalp metten rade die | hem esopus ghegheuen hadde Ende hoe hij ontghinc sonder scade van der | weddinghe die daer gheschiet was |
ENde xanctus ouerlegghende dat die raedt van esopus goet was ende sijn. was hij | [5] vtermaten seer vrolijcken ende blijde. Daer na zo gheuielt dat die wederpar- | tye van xanctus wilde hebben verclaert die voirwaerde voir den borgheren vander stadt | van xanctus Ende liet hem comen voir den richter. om dat hij voldoen soude tghene | dat hij te doen belouet hadde. Ende terstont zo beual xanctus sijnen dienaeren dat sij hem | brenghen souden sijn bedde sijn tafelen ende meer ander dinghen die hem opden oeuer van | [10] der zee behoeflijcken souden sijn Ende xanctus in teghenwoerdicheyt van allen den ghe- | selscape datter teghenwoirdich was beual dat men een scale wasschen ende reynma- | ken soude in die zee ende vanden seluen water die scale vol maken ende hem die alzo bren- | ghen soude Ende als hij aldus was houdende die voerghenoemde scale in sijn hant. | zo seyde hij tot sijnder wederpartye aldus Laet ons onse voirwaerden die wij heb- | 15 ben ghemaect volcomelijcken wt spreken ende beduyden Ende met dien zo sprack hijse o | penbaerlijcken wt Ende als dit aldus openbaerlijcken was ghedaen keerde hem xanctus om | me totten gheselscap ende seyde. Mijn lieue heeren ende vrienden ghij wetet wel dat in die | zee vele ende menegherande wateren ende ryuieren inne comen ende toeuloeyende sijn waer | omme eest dat mijn wederpartye dat can verhueden. ick beloue voer v allen te drincken | [20] dat gheele water vander zee Ende doe seiden sij allegader. Xanctus heeft recht. ende het is | seer wel gheseit waeromme die studenten wederpartijch wesende van xanctus seyden in de | ser manyeren Meester ghij hebbet ons verwonnen waromme gheminde meester wij | bidden v dat onse voirwaerden doot ende te nyeute ghemaect moghen werden Ende xanc | tus antwoirde hem. het belieft mij wel ende ick bens te vreden Daer nae dan als xanctus | [25] wederom tsijnen huyse weert was ghegaen. zo badt hem esopus ende seyde Meester want | ick v wel ghedient hebbe. zo laet mij gaen in myne vryheyt tot mijnen wille. |
Auteursrechtelijk beschermd