Dialogus Creaturarum dat is Twispraec der creaturen

¶ Van veel beesten bi een vergadert Dyalogus Cxx: |

[fol. q3r]

HEt ⁴¹⁴ghesciede op een tijt dat veel beesten ghingen int velt | spacieren in een schoen sonneschijn daer onder allen mede | was dat venijnde beest basiliscus genoemt daer voer of | geseyt is int een ende veertichte dyalogo Dese basilicus rees op | [5] int midden van allen ende riep Is hier yemant van v die tegens | mi vechten wil die come an Ic sal een kamp mit hem angaen. Dit | hoorden die sciltpadde ende nam die kam tegen hem an Ende doe si in- | den kamgegaen waren om mit malkander te vechten woude dye | basiliscus den sciltpadde bijten ende sijn venijnt daer in scieten. | [10] Mer die padde toech hoer voeten ende dat hoeft in die sculpe dat | hise niet raeken en konde Ende ten lesten stac die padde hoer clau | wen wt ende gaf den basiliscus also veel wonden in sijn lijf dat | hi verwonnen wort des hi hem oeck seer scamede Onlange daer | na als sijn aem verhaelt hadde ende hem seluen bet verstoutet had | [15] om dat hi hem scaemden dat hy soe leliken ende scandeliken ver | wonnen was riep hi anderwerf. Ick wil mine scande die ick | gheleden heb op enich van v verhalen Isser yemant van v dye | mit mi vechten wil die koem hier tot my ick sal hem bescheyt | doen. Dit hoorden die eechhel die wel ghewapent was myt |

414 H initiaal, 3 regels hoog, geen zichtbare representant.

[fol. q3v]

sinen scerpen tacken dese quam hem alsoe te velde. Ende doe | basiliscus dit sach vloech hi mit groter verwoetheyt den echhel | op sijn lijf om hem alheel te doden Mer die echhel stack sinen scer | pe tacken al heel wt. ende wondede dat serpent basiliscus al | [5] sijn lijf ouer dat hy seer bloedede: Anderwerf wort hi aldus | verwonnen ende seer bescaemt dat hi gheen moet meer en had | de. Als dit die vorssche sach soe woude hi oeck een feyt op dat | serpent bedrijuen ende spranck hem op sijn lijf. ende meynde | hem al soe te doden Dat serpent basiliscus al was hi seer moe | [10] de van vechten ende oec bescaemt nochtans hadde hijs onwaer | de dattat cleyn beest als dye vorssche hem noch meer soude be- | scamen Ende want hi oeck hongherich was soe tastede hy toe | ende nam die vorssche ende atse op ende seyde: HEt ⁴¹⁵ | en is niet ghoet den cleynen te vechten sonder wapen. yeghen | [15] den groeten al schijnt hi te slapen. ¶ Hier in warden wij ghe- | leert als wij sien dat onse vianden een weynich vernedert sijn | ende onder die voeten vertreden dat wij dan niet op hem val- | len en sellen eer dat wij sien dat eynde daer of Want seneca seit | die wise ende gheleerde man sal ontsien sinen viant als hi ver- | [20] nedert is. Daer om en sellen wij ons niet te seer verbliden van | onser vianden doot ofte verlies op dat alsulke lasten oeck niet | op ons en vallen Daer of seyt oeck salomon Wanneer dijn vi | ant gheuallen is en wilt niet verbliden van sijnre doot ofte sca | de op dat dier ghelijken oeck niet op di en komen want so wie | [25] inden valle sijns viants lachghet die sel in dat seluen oeck val- | len. Men leest dat een keyser hadde twee dienres die een was | een snijder ende die ander een barbier. Die snijer hateden den | barbier om dat hem die coninck meer eerden dan hem. Waer | om hi den barbier bedroech aenden keyser. ende seyde dat sijn | [30] aemtoch alsoe seer stanck dat hi dat niet en soude moghen ver | draghen als hi sinen baert soude scheeren: Alsoe dattie keyser | onwaerde opten barbier kreech. ende gheboedt dat men hem | in een sack binden soude ende werpen hem in die zee Ende als | die keyser den scipluyden dyt wijsden viel sijn rijnc van sijnre |

415 H initiaal, 1 regel hoog, met zichtbare representant.

[fol. q4r]

hant in die zee Doe die barbier dit vernam bekalde hi die scip | luyden mit gelde dat si hem lieten lopen in vremden landen niet | volbrenghende dat ghebot des keysersEnde die auentuer was | hem dat hi buten landes rijck wart ende groot: Ende kost op | [5] een tijt enen visch wtter zee. die den rijnck des keysers in sinen | rop had Ende ghinck mitten rijnck totten keyser ende presen | teerden hem sinen rijnc weder ende dede sijn onscult van dat geen | dat hem ouerloghen was verkrijghende alsoe grote gracie in | des keysers oghen dat hem die keyser schencte voer een ghifte | [10] dattie snijer die van sijn weluaren droeuich was ghebonden sou | de warden in enen sack ghesteken om int water gheworpen te | warden ende alsoe verdrencken Dattie snijer alsoe viel in dye | selue stricke die hi op sinen viant ghespreyt hadde Doe hi ghe | meent hadde dat hi sinen viant verwonnen hadde Daer om seyt | [15] seneca dat saltu van een ander verwachten dattu yemant an | ders doeste