Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio i1v]
| |
Vanden voghel fasianus ende vanden paeu. Dyalogus lxij. | DIe Ga naar voetnoot221 voghelen daer si alle vergadert waren om te seggen | wie die scoonste ware setteden twee voor die scoonsten | als fasianus ende die paeu Als dit aldus ouerdraghen | [5] was bider electien soe waren si onder malcander in twiste en- | de konden niet ouerdragen onderlinge Doe dit de ander voghelen sagen | liepen si totten aern ende seyden. wij hebben o conincinne elec- | ci ghedaen nu bidden wij dattu als een rechter dye confirma- | ci daer of gheues dat die ghecoren warden gheconfirmeert: | [10] Die aern dede tot hem comen dye ghecoren willende die ghe- | coren examineren. fasianus is een voghel die eerstwerf ghe- | brocht is wt gryeken wes vleys seer soet is te eten. Dese pri- | sede hoor seluen te mael seer ende seyde. ¶ O rechtuaerdighe | rechter alstu wel sieste. Ick ben een teeder voghel schoon ende | [15] menichuoudich van verwen in mijnen veeren Mijn vleys is | inden smaeck oft ghecruyt waer mit kaneel ende ander goede | cruyden alsoe dattet bouen al wel smaecket ende soet ruket. | waer om my die ouerhant toe behoort ¶ Doe verantwoor | den haer die paeu nae hoorre macht ende seyde. Neen coninc- | [20] ynne alsoe en ist nyet als fasianus seyt ¶ Want ick grooter | ende scoonre ben dan sy. ende oeck ghecroont. Mijn start be- | wijst dat my dye hoechste eer toe behoort. ende dit segghende | sloech sy hoor staert seer breet wt. Ende hadde daer groo- | | |
[Folio i2r]
| |
te glori in: Dye aern horende al dyt dat gheseyt is seyde den | paeu. Du paeu hebste dy heel bescaemt in dyen dattu dijn | staert wtghereckt heefste wanttu ons vertoent hebste leelike | voeten ende daer om en bistu niet waerdich die scoonste te hie | [5] ten: Voort seyde die aern tot fasiaen endu biste altoes wate- | rich inden oghen oftu screyende waers ende oeck bistu cranck | ende en konnet niet singhen: Daer om dattu ghebreck inden | oghen hebste soe ben eem ick dy oeck die ouerhant. Aldus ble- | uen si beyde beroeft vander heerlicheyt ende seyden Hy Ga naar voetnoot222 en | [10] sal niet wesen heer noch vrou. diet mit vechten ende kiuen hout | Dit sien wy dicwijl hoe dattet ghesciet inden ghenen dye tot | enigher prelatuerscap ghecoren warden als si daer om teghen | malkander perlament ende onrust maken datter volck hoor | ghebreken kennet alsoe dat si daer om dicwijl beroeft warden | [15] Daer om en ist niet goet om hoocheyt te strijden ende te vech- | ten Want gregorius seyt dat begheerte der hoecheyt coemt wt | vermetelheyt des herten Ende soe wie hoecheyt inder aerden | soeckt die sal confuys vinden inden hemel. Daer om ist sor- | ghelick nae prelaturscap te staen Om dat gregorius seyt die | [20] in die hoechste stede de pastoer is die staet soe veel te meer in gro | ten perikel ¶ Men vint dat dye oude princen ende heren nyet | henghen en wouden datmen hoor kinderen in hoocheyt ver- | heffen soude eer dat si soe goet ende wijs waren dat si den on | dersaten profitelick mochten wesen Alsoe als elynandus be- | [25] scrijft van helius dye van een senatoer keyser ghecoren wart | die ander senatoers hem baden dat hi sinen soon nemen wou | tot een ghesel des keyserrijcks dat hi oeck keyser mit hem we | sen soude ende hieten. dat hi doe seyde. En ist niet ghenoech | dat ic alleen onwillich regnier dat ick nochtant niet verdient | [30] en heb. want die hoecheyt des keysers staet nyet en hoort te | volghen nae dat gheslachte mer der verdientenDicwijl wort | hi totten rijck coninck gheboren die den rijck onnutte is. | Sonder twijfel ist dat hy die mynne der ouders niet en heeft | die sijn kinrderen mit een ondrachtelike last belast want dat is | | |
[Folio i2v]
| |
die kinderen te versmoren niet om hoor verdienten promoue- | ren. Men sal dye kinderen eerst inden doechden opuoeden op | dat als si in doechden voortghegaen sijn dan gheproeft ende | gheuonden mochten worden in doechden dien voor te gaen di- | [5] en si in prelatuerscap voor gheset sullen worden Want die wi | se man seyt. En wilt niet soeken rechter te warden ten si dat | tu mit machten die boesheyt benemen moechte. Inden ouden | gesten vintmen ghescreuen dattie keyser octauianus nyet hen | ghen en woude dat men sijn kinderen tot hogher eren promo | [10] ueren soude eer dat si myt cracht ende wijsheyt hoor eyghen | goet ende der ondersaten bescermen mochten Daer om liet hi | sijn sonen leren scieten ende scermen lopen ende springhen swem | men ende den steen werpen ende mit die slingher werpen en- | de alrehande gheradicheyt leren Ende sijn dochteren drapenie | [15] ren. op oft bi snoder auentueren daer toe quaem dat si in ar- | moeden comen mochten dat si den cost mytter consten moch- | ten winnen Aldus ghebiet die wise man Ist dattu sonen hebs | te leertse totten arbeyde hebstu dochteren bewaert hoor lichaem | |
|