Dialogus Creaturarum dat is Twispraec der creaturen

[fol. h4r]

Vanden voghel astur ende die voghel caridius Dyalogus lvi. |

Astur ²⁰⁴ die voghel veruolghede den kraen alsoe lange dat | hien ter aerden werp Mer die kraen verhaelden ende | vermanden hem seluen ende wondede astur myt sinen | [5] nebbe totter doot. Ende als hy aldus swaerlick ghewondet | was seynde hi boden ende gauen tot een voghel die caridius hiet | ende dede hem segghen. O goede meyster van medicinen wel | groot ende vernaemt wilt comen mi ende mine wonden te ge | nesen Ick sal di gheuen dattu wilste Caridius als die meester | [10] seyt is een wit vogel wes inghedoemten donckere oghen ghene- | sen Ende heeft inder natuer dat hi bi den mensche coemt die hi | weet dat leuen sal Mer van die steruen sellen vliet hi Ende want | hi bekenden dattie voghel astur steruen most en woude hi | niet tot hem comen ende seyde DIe ²⁰⁵ steruen sellen wil ic laten. | [15] die leuen sellen coem ic te baten ¶ Veel menschen vintmen dyer | ghelijc die vrienden sijn inder voorspoedicheyt ende inder tijt | des blijschaps die niemant en willen kennen int lijden ende ver- | driet Daer om seyt seneca het is swaer in dye voorspoet vrien | den te proeuen In wederspoet ist licht Hier om seyt die wise man | [20] Daar is een vrient die alleen inden naem vrient is. Ende ysi- | dorus Selden sijn daer vrienden die int eynde vrienden sijn. | Een man vraghede sinen soon of hy enighen trouwen vrient | hadde Hi antwoorden Ia ick hebber noch wel drieDie vader |

204 A initiaal, 3 regels hoog, geen zichtbare representant.

205 D initiaal, 1 regel hoog, met zichtbare representant.

[fol. h4v]

seyde Die broeder ende vrient die wort inder banghicheyt ge | proeft Ganck daer om ende besoectse Hi ghinck ende nam een | verken ende sneet dat dat hooft of ende oeck dye voeten ende | stackt in een sack. Ende ghinck daer mede tot alle drie vrien- | [5] den ende seyde tot elken Siet lieue vrient een ongheuel is my | god betert ghesciet. siet ick heb een man doot gheslaghen ick | bid v wiltten nemen ende grauen hem heymeliken dat ic daer | by nyet ghemeldet ende gheuanghen worde. Ende niemant | van hem drien wort gheuonden inder noot vrient ende trou- | [10] weDit dede die vader dat hi hem soude leren kennen wie sijn | vrienden waren. Ende vertellede hem een exempel van twee | ghesellen van welken dye een den anderen beual sine huysurou | we te bewaren ende hi toech tot sijn ouders te visiteren. ende | verloes onder weghen alle sijn goet op dye zee. Ende doe hy | [15] weder ghecomen was daer sijn ghesel was en dorste hy hem | niet openbaren om dat hi mismoedich was ende seyde dat hi | een man vermoort hadde dat hi nochtant niet ghedaen en had | ende woude steruen van mistroest des verlies sijns goets ende | van scaemten Ten lesten vernam sijn gesel dat hijt selue was | [20] ende wort van hem bekent ende want hi sach dat hi van doot | slach op sijn lijf gheuanghen sat soe seyde sijn ghesel den rech- | ter op dat hi sinen vrient verlossen soude dat die ghesel gheen | schult en had. mer dat hy selue den moort ghedaen hadde. | Alsoe dat die maer voorden man spranck ende die rechtscou- | [25] wighe man die dat ghedaen hadde meldede hem seluen op dat | die onsculdighe niet steruen en souden. Valerius scrijft van | der rechter vrienschap van twee vrienden ¶ Daer dye een of | hiet amon ende dye ander phicia. Dat dye tyran dyonisius | een van desen tween dooden woude dye den rechter badt dat | [30] hy hem tijt woude gheuen dat hy trecken mocht yn sijn lant | om alle sijn dynghen te beschycken. ¶ Ende dye ander | wort sijn borghe nyet twijfelende van sinen vryent. ¶ Op- |

[fol. h5r]

ten lesten dach die hem gheset was en was hi noch niet gheco | men daer om seyden alle menschen tot hem die borghe ghewor | den was al had hi dwaeslick voor sijn ghesel ghelooft hy sou- | det mitten liue wijslick moeten ghelden Mer hy en wort hier | [5] wt niet veruaert ende seide stanttafteliken dat hi niet en twi | felde van sijns vrients trouwe. ¶ Daer nae als die leste vre | ghecomen was dat hy soude moeten ghesturuen hebben quam | die ander ghesel ende quiten sinen borghe. Als dit die tyran | sach dat si malcander alsoe trouwe waren ende soe grote vri- | [10] enscap hadden verwonderden hem des seer ende verlossedese | beyde gader ende badt hem tween dat si hem nemen wouden | tot den derden ghesel dier vrienscappen ¶ Ist dat dit doet dye | een mensche voor den anderen. wat soude dan die mensche doen | om godes willen die hem seluen heyt laten crucen om den men- | [15] sche Hier seyt die wise man En wilt niet vergheten die vrien- | scap des gheens die voor v borghe gheworden is want hi sijn | ziel dat is sijn leuen voor di ghegheuen heeft |