Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio d4v]
| |
 DAtGa naar voetnoot86 gout ghinck tot dat siluer ende seyde. Verblijt dy | broeder om dat wij onder alle metael dye ouerhant | hebben Daer om waert dat wij te samen in een veree | nicht waren wij souden dan noch meere wesen. Daer op an- | [5] twoorden dat siluer ende seyde Dat gheen dattu segghes broe | der dat segghes wt goeder mynnen Mer want ick meerck dat | du root biste van verwen ende ick wit ende oec dencke dattu | costelick ende van groter waerden bist. Daer om meen ick dat | ghelijck als wij contrari sijn. ende ghedeelt inder verwen ende | [10] waerden dat wij oeck soe wesen souden inden wille Daer om | ist beter niet te beghinnen dan nae mit onmynne van malcander | te sceyden Ende seyde daer toe. Niemant Ga naar voetnoot87 en sal hem bi sijn | meere. gheliken noch mit hem veel hanteren ¶ Want die wi | se man seyt Hy belast hem seluen dye hem versellet mit sinen | [15] meerren Item noch seyt hy En wilt gheen gheselle wesen mit | den gheen dye rijker is dan du. Daer of seyt een philosooph | ¶ Waer die arme teghen den rijken pleytet. Daer ontbreect | hi ende vergaet: Daer of leest men een fabel dat die geyt ende | dat scaep ende die eezel vrientscap maecte mit die leeu ende te | [20] samen souden trecken iaghen om wilbraet te vanghen Ende het | gheburden dat si een hart vinghen Ende doe die tijt quam datmen | den roof soude deelen seyde die leeu Dat eerste vierendeel hoort | my toe als van eren weghen want ick dye meeste ben. Ende | want ick die eerste stem heb van allen soe coemt my dat andere | | |
[Folio d5r]
| |
Ende die meeste arbeyt gheeft mi dat dorde. Ende ten si dat | ghi mi oeck dat vierde laet volghen soe wil ic die vrede die onder | ons is breken ende niet langher houden Ende dit segghende | sloech hi mit sijn staert vreselick op die aerde ende dreyghede | [5] mitten tanden alsoe dat si alle veruaert worden ende liepen Ga naar voetnoot88 wech | latende dat hart den leeu alheel Hier wt worden wi gheleert | dat hem een mensche wachten sal dat hy gheen mant en heb | mitten gheen die machtigher sijn dan hy want hy altoes dat | quaetste deel sal hebben als men ghemelick seenyt Ga naar voetnoot89 dattet mitten | [10] heren quaet kerssen is te eeten. | |
|