Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd¶ Van gout ende loot ¶ Dat neghentiende dyalogus | [15] TOt Ga naar voetnoot83 dat gout quam dat loot mit opgheblasen sinnen en- | de seyde waer om verheffes di teghen mi En ben ic niet | alsoe wel vanden gheslachte des metaels als du waer | om versmades mi ende doeste dat ic opter werlt alsoe warde | ende costelike niet en ben alstu Coemt tot mi ende proue di mit my | [20] inden vuer. dan salstu wel sien die craft die in mi bliuen lal Ga naar voetnoot84. Dat | gout antwoorden Ick weet broeder dattu alsoe wel metael biste | als ick want di alsoe wel die scepper ghescepen heeft als mi Ende | ic en doe dy geen onrecht neem dat dijn is ende ganck van mi ende en wilt | niet tegens mi kiuen want het noet is dat wij in allen onsedigen geproeft | | |
[Folio d4r]
| |
ende besocht moeten worden als paulus leert Proeft alle dinc | ende datter goet is dat houdet. Ganck daer om int vuer ende | vechte mit my want dan sel hem dijn doecht ende victorie verto | nen Doe si aldus tesamen int vuer ghinghen is dat loot ghe- | [5] smouten ende te niet ghecomen. ende dat gout ghinck wten | vuer ghepurgeert ende verbetert seggende. SOnder Ga naar voetnoot85 | cracht sijn houaerdighe ende vermetele woorden ende sonder | macht Aldus vindet men veel houaerdighe menschen die seer | scoon ende vermetel sijn van woorden die gheen doecht in hem | [10] hebben daer of si hem vermeteliken beroemen. Ende daer om | als si becoort of gheproeft worden comen si te niet alst loot dat | int smelten verswijnt Daer om wilstu in den oghen godes duer | baer ende waerde wesen sich dattu oetmoedich biste in dijn selfs | oghen. Daer om seyt die leerre ysidorus weest cleyn in dijns | [15] selfs oghen op dattu groot moechste wesen in dye oghen goods | Want die hem seluen cleyn is die is groot bi gode Daer om | seyt oeck gregorius Hoe du glorioser biste voer dijns selfs o- | ghen. alsoe veel bistu voer gode en de sijn enghelen snooder | Te romen was een heylighe vrouwe dye soe oetmoedich ende | [20] cleyn in haer seluen was dat hoer docht dat si onwaerdich was | ten heylighen outaer te gaen ende oeck inder eleuacien op des | priesters handen dat lichaem cristi te ansien Op een tijt ghe- | sciedent dat alle dat volck ten heylighen outaer ghinck om dat | heylighe sacrament te ontfanghen dat si om hoer groter oet- | [25] moedicheyt niet voort en dorste gaen Daert wt groten mira | kel ghesciede. dat dye vrouwe van eenre duyf die van bouen | quam ende nam dat heylighe sacrament vanden outaer alsoe | ghemundicht wort daert alle dat volck sach. | |
|