Dialogus Creaturarum dat is Twispraec der creaturen

¶ Van den smaragde ende den rinck Dat viertiende dyalogus |

[fol. c6r]

SMaragdus ⁶³ als die meester seyt is[|] ⁶⁴een costelike steen | daer gheen groen dinck bi compareeten ⁶⁵ mach we | sen. want alle cruden ende alle spruten maect si | groen te schinen in hoer teghenwoerdicheyt. Sy veruollet | [5] die oghen mer si en machse niet versaden ¶ Het was een gou | wen rijnck daer een smaragde in ghewrocht was die den rijnc | alsoe vercierden dat alle man den rijnck begheerden te sien. | Op een tijt sprack die rijnck totten smaragde wt onweten- | heyt ende seyde. Langhe tijt hebstu dijn staci in mi ghehadt | [10] ende noch en hebste mi nye loon daer of ghegheuen ¶ Daer | om betael nv dat loon van dijnre woninghe en de ⁶⁶ ganck van | mi Of ic sal di al beroeyt van mi werpen. Die smaragde ant | woorden. Dat ic mitti ghewoent hebbe daer bistu altoes of | gheeert gheweest ende daer om in des conincks vingher ghe- | [15] draghen Ende isset dattu mi van di verdriuen wilste. ganck | ende vercoep mi ende van die costelicheyt mijnre waerden neem | dat loon van dat ick mitti ghewoent heb. want mi en sel gheen | stede ende woninghe ontbreken Daer nae doe dye rinck hem | wech ghedreuen had ende sonder hem verworpen ende onge | [20] acht bleef. wort hij ten lesten van onwaerden ghesmouten. | ende seyde DIe ⁶⁷ mit sijn beeter ende costeliker staet. wort | verworpen als die costeliker van hem gaet. Aldus is oeck | die knecht goods alre eren waert alsoe langhe als hi die cos- | telike doechden in hem heeft. Mer als hi die laet varen wort | [25] hi onwaerdt ¶ Seneca seyt die man is goet die in sinen wer | ken goet gheuondenwort ende gheproeft. ¶ Op een tyt doe | die grote alexander seyde. dat hy dye heer waer van alle dye | werlt. antwoordede hem dyogenes die philosooph. Du en | biste gheen sins heer als du segste Mer een dienre mijnre knech | [30] ten want die houerdie is dyn vrouwe. ende si is mijn dienst | maecht. want si regiert ende beheert dy. ende ic hebse onder | die voeten ghetreden Die vleyschelike ghenoecht gulsicheyt | ende toornicheyt beheren di ende sijn dijnre machtich. die ick | al verwonnen heb ende beheert Ende daer om heb ick gheseit |

63 S initiaal, 3 regels hoog, met zichtbare representant.

64 gerezen wit.

65 compareeten lees: ‘compareeren’ of ‘compareet en’.

66 en de lees: ende.

67 D initiaal, 1 regel hoog, met zichtbare representant.

[fol. c6v]

dat du biste een dienre mijnre knechten Ende doe alexanders | knechten den philosooph wouden slaen verboedt hijt hem ende | seyde Siet daer toe dat hem nyemant en misdoe. want hy | waerlike goet is ende mi die waerheyt seyt Gregorius seyt | [5] die mensche is van groter waerdicheyt die hem vindet inden | staet daer hi in wesen soude want sonder sonden te wesen is | een teyken van groter waerdicheyt. |