Theatrum stultorum

[p. 134]

Stvltitia
Ambitiosorum.

Emblema.
Reus per trochleam in altum sublatus, qui repentino casu immaniùs torquetur.

. . . . . . Tolluntur in altum,
Vt lapsu graviore ruant. Claud.
Ad Horat. Od. 8. lib. 1.

DIvitias, honores,

Atque vulgi sollicitos prosequeris favores?

Desine, te per omnes

Hoc Deos oro; cathedras, culmina dignitatum,

Sanguine viperino

Cautiùs vita; raperis de triviis in altum,

Ut graviore lapsu

Corruas indè, & populo sic moveas cachinnos.

Vitrea nempè Sors est:

Frangitur splendens, stabiles nescit habere passus.

Quid dubitas? in altum

Ecce mortis fune reus per trochleam elevatur:

Sed subitò cadentem

Cernis elatum, cruciatus patientem acerbos.

Qui sapit, ille vivit

Hîc sibi; spernens titulos, nomina magna vitans.