Theatrum stultorum

Stvltitia
Machinas horatias amantium.

Emblema.
Nobilis equum suum in foro venalem exponens.

Varium & mutabile semper.
Virg. AEn. 4.

QUid? Nisaeus equus, Martius alipes,
Qui candore nives, cursibus anteit
Auras praecipites, prostat Odrysius?
Venalis sonipes cernitur, ardua

[p. 121]

 

Cûi cervix, brevis est alvus, obesaq́ue

 

Terga, ac magnanimum pectus, & inclytum

 

Argatumq́ue caput? rebus in omnibus

 

Excellens animal (res nova) displicet.

 

Quid causae lateat, dic, age Nobilis.

 

Res, inquis, varia est; audio, cornipes;

 

Horis penè aliquid deficit omnibus:

 

Nunc fracti stapedes, penula, gausape;

 

Nunc duri stimuli, lora sonantia,

 

Et molle è corio defit ephippium:

 

Nunc freno rigido, cum retinaculis,

 

Nunc calce & strigili, nunc phaleris opus.

 

Hunc tu quadrupedem, non malè providus,

 

Quamvis magnanimum, venditor indicas.

 

Molem, si sapias, aere rotatilem,

 

AEquis quae spatiis tempora dividit,

 

Sit gemnis variis lucida, vendito.

 

Emungit loculos parvula machina,

 

Semper deficiens & reparabilis.

 

Nunc illi monitor deficit aeneus,

 

Nunc nervus, subitò chordula desilit:

 

Mox dentata rota, & spira volubilis,

 

Clavis cum trochlea pendula frangitur.

 

Jam te lenta nimis lingula decipit,

 

Nunc cursim properans machina dissonat.

 

Vah! pondus varium! theca superflua!

 

Soli quam Fatui, credite, possident.