Theatrum stultorum

Stvltitia
Pharmacopolarum Albo-Graecorum, &c.

Emblema.
Imperator Vespasianus Urinae vectigal commentus; filii sui Titi naribus partem auream adhibens, &c.

. . . . . . . . . Lucri bonus est odor ex re Quâlibet. Juv. Sat. 14.

ROmae ex urina (res ludicra) Caesar avarus,

Pharmaca qui vendit, sub imagine cernitur istâ;

E merdâ, & vili pulvere conflat opes.

[p. 118]

 

Quid, precor, Emplastrum, Fomenta, Enchrista, Malagma?

 

Album quid Graecum? stercora foeda canum.

 

Et tamen ex illis argenti plurima conflat

 

Pondera; vix ullus ditior urbe datur.

 

Undè habeat minimè curat; sed oportet habere

 

Clamitat: haud rectè Pharmacopola sapis.

 

Sordida tam carò miseris Catapotia vendens,

 

Quod sordet pretium quaestor iniquus habes.

 

Sed quid ego haec frustrà? roseus pudor ora pudenda

 

Deseruit, lucrum quod tibi cunque placet.

 

Sit justum, injustum; clamas cum Caesare: lucri

 

Est gratus nobis, & bonus omnis odor.