Theatrum stultorum

Stvltitia
Aviculariorum.

Emblema.
Domicella, quae nullo tempore, nullo in loce se continet: quinimò ad quemlibet ventum, ad pappum volatilem, minimamq́ue aquae guttam trepidat.

Nec mora, nec requies. Virg. AEn. 12.

REs est Filia ludicra;

Momentis quoniam mobilis omnibus:

Horae nulla quiescere,

(Dum somnos etiam carpit amabiles)

Vel puncto exiguo solet.

Titan Hesperio dum caput aureum

Terris gurgite protulit:

Laevatum ad speculum, membra levans thoro

Molli, confugit ocyùs.
Crines aureolos, caesariem vagam,

[p. 106]

 

Dens componit eburneus.

 

Hanc ferro calido vibrat, & undique

 

Nodis implicat aureis.

 

Frontem blandidulam, collaque crinibus

 

Emptis sedula perpolit.

 

Cerussam redolent purpureae genae,

 

Malas Oesipa laevigant.

 

Neglectum cilium mille laboribus,

 

Curvam flectit in Iridem.

 

Sic compta egreditur stulta puellula,

 

Sic vicos Dea obambulat.

 

Si spiret Boreas, aut Notus imbrifer,

 

Eheu! pallet & ingemit.

 

Si floccus niveus, lappa volatilis

 

Caelo decidat, aufugit.

 

In Templo Superos dum prece flaccidâ

 

Supplex ambit & invocat;

 

Partes in varias blandula millies

 

Audax lumina conjicit.

 

Hanc Nympham fatuis moribus exprimit,

 

Tantâ sollicitudine,

 

Quisquis Canarias educat alites.

 

Horis se movet omnibus,

 

Nullo se, veluti compta puellula,

 

Demens tempore continet.

 

Vixdum purpureâ lampade Phosphorus,

 

Claro fulget in aethere:

 

Quin nidum calidum deserat anxius,

 

Nidum ut visitet alitum.

 

Panes arte novâ, semina, libaq́ue,

[p. 107]

 

Tundit, miscet & apparat.

 

Nunc hos, nunc alios inspicit angulos,

 

Pullis mater ut incubet.

 

Sternutare timet, hiscere, mejere,

 

Vix audet pavidus Lepus.

 

Si ventus pluvius, si Notus ingruat,

 

Currit, pattet & ingemit.

 

Templum sollicitus, prandia deserit,

 

Implumen ut volucrem tegat.

 

Majores Fatuos vix reor ullibi

 

Mundus, quà patet, aspicit:

 

Omnes Democrini ludite faucibus.