Theatrum stultorum

[p. 88]

Stvltitia
Nimiùm Amicis confidentium.

Emblema.
Nonnulli qui lagenam vino repletam colunt, & exosculantur; vacuam verò spernunt & deserunt.

Grata, quàm diu plena.
Ad Hor. Od. 18. lib. 2.

CUm lagena Caecubo

Mero redundat, Massicove spumat;

Mille tunc procos habet,

Stipant amici hanc plurimi: sed ecce

Mox ubi mero caret,

Spernunt inane deseruntq́ue vitrum.

Quàm diu pecuniis

Felix abundas, tàm diu Sodales

Te velut Deum colunt.

Gratus repletus; displices inanis

Factus, & Codrus miser.

Non te, sed aurum diligunt crumaenae.

Falleris, sapis malè,

Si emunctus ulli niteris placere.

Fide, sed vide cui:

Rarus fidelis perditis amicus.