Theatrum stultorum

[p. 28]

Applausus Epigrammaticus
ad Reverendum, ac Eruditum Patrem
Ioannem de Leenheer,
Augustinianum,
Libri Authorem.

SIt Mundus Fatuus Democritus indè cachinnet,

Hinc Heraclitus lacrymet, & doleat.

Iste magis modò ridebit, magè flebit & ille,

Quando tuum cernent unus & alter opus.

Tam nitidè Mundi Fatui interiora recludis,

Tam docto pandis Stulta Theatra joco.

At cum Democrito ridebit sacra Poësis,

Imponens capiti Laurea serta tuo.

Heraclitum autem lacrymantem imitabitur ater

Momus, & haec torvo lumine scripta leget.

Mome crepa, rodat Livor tua viscera: qui de

Stultitia doctè scribit, is est sapiens.

Amico suo canebat

Iacobus Beeckmans, Brux.