Un selekshon di palabra i ekspreshon. Deel 1

32 Hotèl i restorant

Doño di hotèl	Pidi un kònchi di kòfi
Gerente	Primi kònòpi pa yama
Reservá kamber (kwarto)	Apetit
Mesonero	Un hamber di grita
Kamarera	Pasa boka ku fruta
Sirbi na mesa	Tur kwarto ta okupá
Hospedá den un hotèl	Un pension

Lagami mira e menú.

Kwantu (kiko) ta kobra aki?

Hasi un seña pa e mesonero bini na mesa.

Un apartamento kompletamente mueblá.

Dies porshentu pa sirbishi.

Den un shap tin un shaperu.

Den un bar di hotèl nos ta papia di ‘bartender’.

Industria di hotel a owmentá mashá den ultimo dies aña.

Si bo ta bai biaha pa plaser o pa nogoshi semper ta bon pa reservá kamber di hotèl di antemano. Sino ora bo yega bo destinashon, bo por pasa basta difikultat pa haña un kwarto liber.

Promé ayá tabata kustumber di duna e portir, e mesonero, e kamarera i e limpiadó di sapatu un teps (propina), pero awendia esaki ta inkluí den bo kwenta.

Nos a drum! te ronka den e kamber ku airu kondishoná.

Nan a kome nan barika yen.

[p. 43]

Miho nos kome ku dòkter kome.

Yanshi ta kome (hala) manera os ta trèk.

Un hende ku tin boka dushi, ta un ku sa papia dushi, pa kalanchá o lembe.

Un ku ta gusta kos di boka dushi, ta esun ku ta gusta kome kumínda dushi.

Beth haim ta spok: Mi stoma ta gruña.

Regla di etiketa ta eksigí ku bo no por kome piská ku kuchara di bebe sòpi.

Si bo ke drumi den un hotèl luhoso, bo tin ku ‘paga pa e muzik’ (e luho).

I si bo tin plaka pa tir'afo o pa dispidí, bo ta bai purba bo swèltu den kasino.

Esun ku konsiderá un mesonero komo hende chòmbòn ta mashá kibuká. Pasobra un mesonero konosé masha hopi sorto di bibida; e konosé diferente manera di drecha un mesa; e mester sa papia varios lenga ku basta fasilidat; e mester por konta e turista un kantidat di detaye tokante su pais; e mester keda kalmu i kariñoso den tur sirkunstansha.

Den komedor di un hotèl un hòmber a pidi un bistek. Ora e mesonero a puntr'é kon e ta deseá e bistek, e hòmber a kontestá: ‘Hopi, grandi’.

Kasi tur nòmber dje rangonan di personal di hotèl ta na franses.

Mihó mi kas ku palasio di rei. (No tin nada mas dushi ku bo propio kas).

Tur kumínda ta di kome, ma tur palabra n' ta di papia!

Nos a sinta suta (bati) un plato di kabaron.

Nos ta dal un beter (kwe un kacho!)

E mucha a supla su kumínda tur limpi. (kome tur).

Si bo no ke bira biew tempran, anto hasi tur kos na midÍ.

Hende ta kome pero porko ta ocha (fretu).