Un selekshon di palabra i ekspreshon. Deel 1

(1971)–Pierre Lauffer– rechtenstatus

Streanan ta lombra	Luna t'afó.
Klaridat suave di luna	Un biaha espasial (den espasio)

Nabegante i kunukerunan sa tin kara humá di solo.

Shelu ta skur; ta pinta un awaseru.

Ya nan a manda hopi satélite den espasio.

Na Cape Cañaveral nan ta lansa rakèt (kohete).

Na Korsow nan a yega di mira e kometa Halley.

Mars ta un planeta.

Ta difisil pa kere ku te den siglo djesinku ainda nan tabata kere ku solo tabata drei rondó di mundu i ku mundu tabata e sentro di nos sistema solar.

E fama di Greenwich ta basá prinsipalmente riba su Observatorio ku ta konosí rònt mundu (univèrsalmente).

No ta bon pa kana henter dia den solo kayente.

Tin brel di solo, brel pa stof, brel pa las, brel pa lesa, brel pa sambuya.

Ora tin ekleps nos ta bisa: Solo ku luna ta bringa.

Tin den istoria basta hende ku a kere di por forma un imperio mundial.

Nan a purba hasi Esperanto un lenga univèrsal.

London nos por yama un kapital kosmopolita.

Shakespeare ta un eskritor famoso (di fama mundial).

Nos a gosa un mundu (mashá).

Zakitu ta den su mund'i bèrdè. (el a pasa pa bida etèrno).

Mundu ta rondó; esun ku t' ariba awe, t' abow mañan. (Felisidat no sa dura).

Hende biew i hende ku a keda hopi tempu malu na kama nan sa buta na solo, pa nan kwe solo.

Un hende ku ta mashá solo birá ta un hende ku ta kambia kada be.

Dochi a pèrdè strea di nòrt. (El a bira choncho, kèns).

Awe mi strea t'ariba. (awe mi tin swèltu)

Yanshi parse luna kla. (E ta un sokete malu, e no bal ni dòs plaka) Duna lus: haña yu.

Un kara di luna: kara rondó, di laba ku dos man.

A sinta un solo di grita. (Tabatin solo fwèrte basta ora largu).

Awor ku astronautanan a yega luna ya luna no tin tantu romantisismo mas pa esnan ku ta namorá.

Luna ta bari. (Nubianan ta kore pasa bow di luna!)

Luna ta kargá di awa. (Tin un sírkulo grandi rondó di luna).

Henter univèrso ta kanta gloria di Señor.

Nos ta bisa: Ata un strea ta kai, pero ta un meteorit ta krusa den espasio.