Un selekshon di palabra i ekspreshon. Deel 1

24 Emoshon, sensashon

Sinti satisfakshon	Ansha a buté tolondrá
Haña un sorpresa	Su kurason a dal te den su
Keda babuká, boka abrí	garganta (boka)
Hiba un sustu	Mi alma no tabata den mi kurpa
Nan a keda sorprendl	(di sustu)
El a sinti un spantu	Nèrvio ta kaba kuné
Miedu a kwe su kurpa	E por muri di deseo
Keda desapuntá	Mester tene dwele di un burdugu?
	A drentami un miedu
	Ta strañami ku bo no sa.

Bo palabranan a pika mi kweru

E mucha ta un pèster.

Ninita a hasi un bon impreshon na fiesta.

[p. 32]

Nan a rabia, sinta kunsumí te kasi hasié bira djigel (razu).

No trata ningun hende ku despresio.

No rabia, pa bo sanger no bira awa.

Shishi tabata asina hostiná ku e por a bebe su sanger pa awa. (e por a rementá).

Un hende ‘ku sanger na wowo’, ta un ku por hasi kos straño ora e ta sará o rabiá.

Mi no tin sanger di kakalaka. (mi no ta sin sintimentu o sin heful)

Bergwensa a buta su koló kambia.

Semper Chofil tin mal beis (mal genio).

Si bo rabia, no pèrdè kabes.

Nos no mester sinti bergwensa si otro hende sa mas ku nos, pero nos mester ‘hinka nos kara den saku’ si nos no a siña tur loke nos por.

Kòrda semper na momentu ku bo rabia ku bo tambe a pifia i faya hopi be.

Un kontésta kariñoso ta buta asta kachó brabu waya rabu.

Unabes ku ningun hende no ta perfekto, nos no mester ta eksigente. ‘Tur kos na midí’ ta konta pa legria ku tristesa tambe.

Pa papia bèrdat, mi no tin miedu, pero mi tin un tiki andun. (Esaki ta hende ku miedu su fas palabra, pa nan tapa loke nan ta sinti) Kurason kayente ta mata kaikai. (Sòpi purá ta sali sálu)

Yoshi tin mi na kurason. (E tin rabia riba mi)

Bedaru, shon Fanfan, bedaru. (Ban ku kalma, no ansha).

Bo no por bai tras di palabra di hende ku ta kuchú di dos banda.

Koyon tin kos di konta. (Esun ku ta kobarde (kowteloso, prudente), ta keda na bida, pa konta despwes)

Mi kurpa a griña. (m'a sinti un rel den mi kurpa).

Un sustu grandi por buta un hende pèrdè abla.

Ora Benito a tende ku el a gana premio mayó, kasi e por a kanta kokoyoko.

Alegria no sa dura na kas di pober.

Alma na pena, kurpa na pena. (Si tin algu ta molostyá bo pensamentu, bo kurpa ta sufri konsekwensha).

Un hende sensitivo no por skonde su emoshon.

30 di mei 1969 a kowsa hopi sensashon. (hasi hopi impreshon riba hende).

Loke b'a hasi a sintimi mashá. (a dwelmi, molostiami mashá).

Ta hasi un friw di grita. Bo n' ta sinti kon e ta kòrta?

Esta un kalor. Ta fièrnu mes a sker awé. Mi ta sintimi anshá.

No buska mi boka! (No kishikimi, sino mi ta papia loke mi sa).

Tela a papia poko palabra di abuzu ku a shangrinami. (butami bira bestia).