Un selekshon di palabra i ekspreshon. Deel 1

23 Felisidat, fortuna, swèltu

Un matrimonio felis	Feli a hasi un fortuna den nogoshi.
Djo tin swèltu ku brièchi	Afortunadamente el a yega na
Un famia kontentu	tempu.
Sirkunstanshanan ta favorabel.	Awe bo ta di lechi (bo tin swèltu)
Bo mes ta forma bo destinu.	Tira kontrabanda semper tin risku.
Nan ta den apuro (den pèrtá).	Konsekwensha di e wega a resultá
Tira un pará	fatal.
Purba swèltu ku un repi.	Pasa mizeria
No riska bo bida.	Un hende den nesesidat
	Tempu di gera no tin misa.
	Tene kwidow; bo ta kore peliger
	(mal risku)

Den kaso di emergensia, mester primi e boton kòrá akí bow.

Ki mi ke hasi; no tabata mi dia. (mi dia di swèltu).

Su yu parandero ta kabé riba un pia (ruiné).

Den adversidat (kontratiempo) un hòmber ta forma su karakter.

Solisitá numa; por ta ku bo tin chèns.

Oportunidat ta blo un be so.

E desgrasia di owto a resultá fatal pa Manuel.

Na Perú tabatin un katèstrofe ku a kowsa morto di hopi hende.

Kachonan di mondi a hasi un desastre den mi kabritunan.

Bon swèltu! Tur kos bon!

Bo mester ta kontentu (gradisí Dios) ku b'a sail tánkatan.

Bo sa, bo ta dichoso. Bo n' ta kibra kabes ku nada.

Ta yu di Dyos mes bo ta. (Bo tin mashá swèltu).

Di chiripa b'a sali di bon. (Di kaswalidat b'a logra).

Bienaventurado esnan ku......

[p. 31]

Di kiko felisidat ta dependé? Plaka no ta hasi nos felis; amigu no ta hasi nos felis; salú, fama, gloria i un bida largu tampoko no ta hasi nos felis. Ta kada hende mester hasi su mes felis den trankilidat di pensamentu. Esun ku hasi tur su esfwèrso pa hasi otro felis, Io nota kon felisidat ta kimbèk riba dje. Ta mashá na duda ku por eksistí felisidat sin pas o pas sin felisidat.

Nan ta pretendé ku fortuna ta bay bini shete be.

Parse ku muhé tin swèlt'i pushi. (Semper nan ta logra)

‘No bira bo swèltu’. (Ekspreshon ku ta uza ora un hende bolbe un kaminda pa buska algu o pa bisa algu ku el a lubidá)

Awe Dòis su strea t'ariba. (Kos ta bai bon p'é, e tin swèltu).

Esnan ku ta kere den ‘web'i gay’ ta kere ku wesu di pushi pretu ta trese (duna) swèltu.

Sufrimentu ta trankè di shelu. (Despwes di tristesa lo tin legria)

Mientras bo ta luchando pa logra algu, bo mester tumba mara promé bo hari. (No bula kanta kokoyoko promé bo logra).

Den wega di brièchi ku number semper ta e bendedó ta sali ganá.

Saka algu ‘den kabes’, ‘meimei’, ‘den bòm’.

M'a libra, (m'a gana eksaktamente mes tantu ku m'a gasta)

Hunga dilanti o patras (sigun sifranan dilanti o patras dje premionan grandi)

Un ‘Yangabashí’ ta: 1. Un hende ku ta hasi grandi, pero e no tin mod'e muri. 2. Un hende ku ta papya ku mashá formalidat, pero ku tin koko bashí.

Si no yobe, lo pinga. (Si bo no logra shen por shentu, maske ta un tiki koos ta kai).