Un selekshon di palabra i ekspreshon. Deel 1

(1971)–Pierre Lauffer– rechtenstatus

Henter dia di Dios	Su manisé nan a bai
Tur santu dia	Mainta, mèrdia, tramèrdia
Biaha anochi o den dia	Atardi, tardisitu, anochi
Lanta for di mardugá grandi	Mei anochi, den mardugá
Kada dia pasa	Ya ta birando sukuritu kaba.
Un dia promé el a bisami	Bispu di Pasku, di Aña Nobo
Ki dia awe ta?	Bispu di bispu
Ki dia nos tin awe?	Riba ki fecha, den kwa luna i kwa
Dia di trabow	aña b'a nase?
Dia di fiesta, dia liber	Den siman nos ta traha
Didia kla.	Djadumingu ta dia di Señor.
Anochi skur	Siman ariba (siman pasá)
	Siman arib' ei, Djasabr'ei

Tin mas dia ku tin siman. (Awe ami ta sufri, pero mañan por pasa meskos ku bo).

Kada dia tin su nòmber. (No ta tur ta e mesun kos).

Didia mester abri, pa anochi sera. (Tur kos mester tin un kuminsamentu).

Dia di gaña (1 di aprel).

Kiko dia ta bisa? Ki notisia tin?

Riba e dia ku menos bo ta pensa, kos ta pasabu.

Tanten ku anochi no sera, kareda di biná no a kaba. (mientras tin bida, tin speransa).

Didia ta habri. Anochi ta sera. Den kibrá di mardugá.

Dia ta bai kai! (Ta lat kaba).

Siman aden siman afó m'a kanté, pero e no kyèr a tende.

Awe si t'awe! (Ta un dia di problema, kansansio, hopi trabow ets.).

Tempran ta bende; lat ta malai.

Esun ku yega tempran, ta bebe awa limpi.

Kon tempu? Kiko dia ta papya?

Kon ta pusha? Ke tal? Kon ta? Kun bay? Kon kos ta?

Solo ku sali tempran, ta drenta tempran. (Esun ku molostiá su kurpa den su hubentut, lo bira krekeché tempran).

Solo di guma (solo fwèrte i sin bientu).

Solo a sali Djan na Montaña. (El a drumi pèrdè ariba. El a pèrdè San Guan).

Kabritu di: ‘Pa awa di atardi muhami, mihó mi mira mi mama horká’.

(Esaki ta pa avisá hende, ku si nan kana atardi den awaseru, nan ta bira malu).

Aña sin bièrnè. (Dia galina saka djente. Nunka).

Ta kada aña pa kwaresma bo ta blo seka nos. (Mashá poko).

Dia di alegria ta bispu di tristesa.

Bo ta biba largu! (Ora bo soña ku un hende a muri, bo ta bisé asina).

Ta pasobra awe no ta bo dia; pesei b'a skapa. (No ta bo dia di mal swèltu o di muri).

Semper Kadol ta yega na ora oradu. (Na ultimo momentu).

B'a yega na ora bon. (Na momentu ku mi mester di bo). Tambe sa bisa: Yega na ora di mester.

Bon or'e (ora di) kaminda! (Deseo pa e persona yega kas bon).

Nos ta bisa: Dumingu di Tres Rei, dumingu di risibimentu (sin ‘Dja’) (e djadumingu despwes di....).