Raspá

[p. 48]

Na mi kriaturanan

Humildemente lo mi gradisí mi Dios
Pa kada gritu di bosnan,
Pa kada pia ku sumpinja,
Kada fli kibrá,
Ku buta lágrimanan inosente
'Na mi okashon di konsolá bosnan tristesa

I lo mi bira mucha,
Lastra 'bòw den tera ku ninichi,
Laga bòtr bira pòpchi,
Penja su kabèj kabuja.

Tur otro kos lo kaj na nada
Pa mi bida hanja su balor
Den boso weganan
Sinsero, simpl i sin falsedat.

I ora, huntu ku bosnan,
Mi tira kurpa riba kam'i pushi den kurá
I pega sonjo sin mi sa,
Sonjando lo mi sonreí,
Mirando mi mes hubentut.