Raspá

[p. 22]

Kantika marga

Asko, rábja i despresjo
Ta tur loke mundu mes
A basha den mi man habrí,
Den tempu ku m'a buska
Un konswelo serka dje.

Pesej mi no por komprondé
Di unda a sali'e di reklamá,
Awor ku mí ta rospond'e
Ku mes un kara seku
I bent'e ku su mes trato.

Si e no por soportá mi kjèr
Di pensa na mí moda,
Biba sigun mí ta hanja bon;
E likidami ku poder i fórsa brutu,
- Su sentensja ta su ekspreshon
Di buska ekilíbrio den su porkeria -
Mjentras ami den trankilidat
Lo dibertí ku su pajaseria.

Dwele lo mi sinti
Di e desgrasjadunan,
Ku den lokura sin satisfakshon,
Ta grita sapatjá,
Te dia morto hanja kompashon di nan,
Ku skuma na nan boka.