43. Plástika i sinestesia
E forsa imitativo di idioma nos ta yama plástika. Nos por yam'e tambe: idioma kla i bibu. Si un poesia o prosa ta mustra nos realidad, di manera ku nos por mira e diferente kosnan sosode, nos ta yama esei plástika.
Un bon ehempel ta:
Y bo mama a cana pidi depchi
bebe sunchi bombá di buraché...
Luis Daal tambe sa tin plástika presioso:
ta un krans riba su graf...
Plástiko di oido sa tin den diferente poesia na papiamentu, kaminda den e poema bo por tende ritmo i ola di tambu; ke men anto kaminda oido i bista ta hunga un papel.
Den nos idioma nos konose ‘koló ku ta koba mama’, ‘lagrima amargo’, ‘solo gritando sin fin den tramerdia’.
Esakinan nos ta yama sinestesia (kombinashon di 2, 3, 4 o tur sinku sintí).
Auteursrechtelijk beschermd