36. Purismo
Esaki ta e esfwerso pa elimina tur palabra straño for di un idioma. Aki tin purista ku a bai asina lew ku nan a yama un ‘teenager’ un diesañeru!! Esei ta di mas. Pero ‘bon bisá’ o ‘bon mirá’ na luga di ‘eigenlijk’ ta korekto. Meskos ku ‘di pursi’ pa ‘toch’.
Nos mester tene kwidow i uza nos sintí ora nos ke uza un palabra ku no tin den nos idioma. Tin hende tin preferensha pa spañó, bisando ku base di nos idioma ta ibériko. Ma tin kaso kaminda un palabra di otro idioma a haña derecho di eksistensha.
Den siensia i teknika sa uza palabra di origen griego o latin.
Tin be estimashon afektivo di un palabra lokal ta buta nos uza un palabra di otro idioma. P.e. malu di pechu = t.b.c. o tuberkulosis, malu di muhé = enfermedad venéreo.
Auteursrechtelijk beschermd