35. Komparashon
Hopi be nos ta ripará un parsementu bibu entre dos kos, i nos ta sinti nesesidad pa ekspresa esei den palabra. Pa medio di e palabranan meskos, manera o enditu nos ta pone e dos konseptonan banda di otro: Un muhé manera un tabl'e strika; un mucha enditu un kabritu alfashi; un kas meskos ku un kowchi di galiña.
No kere ku ta poetanan so por enrikese nan idioma ku imagen i komparashon. Ku frekwensha nos por tende hende simpel traha komparashon masha eksakto. P.e.: Elenita ta manera skarpion dek. Aunke nos por konsidera ‘skarpion dek’ un ekspreshon konsagrá ku nos a lanta tende.
Auteursrechtelijk beschermd