Arte di palabra

8. Lírika di lamento

Den su tristesa tambe un hende sa sinti nesesidad di ekspresa su sintimentu. Na momentu di un pèrdida, ora morto ranka un ser stimá di dje.

Ekspreshon primitive di tristesa nos a tende antes den yoramentu eksagerá na morto. Un kantika di ocho dia ‘Dum ve’ nos por konsidera lírika di lamento di promé ayá:

Dum ve gene
yu deskansu síkila prudentisima
eh kalamita mizerikordia
o la mara vale
dum ve gene
yu deskansu síkilo prudentisima.

‘Ku mi bai’ (kantika di píki) ta un otro:

Ku mi bai fo'i mundu
ken ta yora mundu
o, si mi bai fo'i mundu awe
ken lo yora mundu awe
o, yoradonan bin yudami
yora mundu awe
o, si mi bai fo'i mundu
ken lo yora mundu pa mi?

Aseptashon di loke ta inevitabel a pone Edward de Jongh skibi ‘Delirio’ (‘Quietud’ 1957):

Ayooo! Mundo qu'n ta dimi!
No falta muchu pa bo matami;

[p. 10]

 

Mundo! Esta chiqui bo ta!

 

No tin nada qu mi no a mira..

 

Pero qui tristu y misterioso ta

 

Di contempla bo naturaleza............

‘Klabel blanku’ di Luis Daal ta otro mas:

Lakr blanku a hala tapa
kara tristu di mi mama;
skuridat i soledat ront 'i mi,
mjentras e doló djaden
ta bai kresjendo poko-poko............