Christelijcke en vermakelijcke gesangen

[p. 166]

Liedeken,

Stemme: Beaux yeux si charmans & si doux.

WAt isser Damon dat u quelt
En in soo grooten vrees doet leven?
Gaet Amarillis u begheven,
VVert yemandt in u plaets ghestelt?
Iae sal de soetste Herderin
Niet meer, niet meer acht nemen op u Min?

Neen Herder dat gheloof ick niet,

U klacht sal werden valsch bevonden,
Het gheen wel eer van Rosemonde

[p. 167]

 

Of Galathea u gheschiet

 

Tot leet van Damon en Myrtil,

 

En duydt, en duydt dat niet op Amaril.

 

 

3.

Die Herderin die t'aller tijdt

 

De kroon der Nimphen heeft ghedraghen

 

En wil gheen Herders meer verdraghen;

 

Zijt dan met soo een deel verblijdt.

 

En roemt de gaven van een Maeght

 

Die ghy, die ghy hebt boven al behaeght.

 

 

4.

VVant die soo trouwen liefde voedt

 

Is waerdigh eeuwighlijck ghepresen:

 

En die met soo een vriend'lijck wesen

 

Haer dienaer t'aller tijdt ontmoet,

[p. 168]

 

Is waerdigh alle lof en eer;

 

Dies klaeght, dies klaeght van Amaril niet meer,

 

 

5.

Haer deughden zijn ghenoegh bekent,

 

Daer is gheen oorsaeck om te klaghen,

 

Die soo een Nimphje kan behaghen

 

Is wel bevrijdt van swaer elendt;

 

En leeft gheluckigh over al

 

VVaer dat, waer dat hem Godt gheleyden sal.