't Ulgerke van Keub: gedichte in remunjs dialek

[p. 34]

[p. 35]

Eerste Kemunie.

's Heer Hemelvaart 1945.

Dien kèrk aan gruzelemente,
D'n tore verenneweerd,
Miene sjpaarpot vol mit cente,
Dao is het neet mit gekeerd.

Boew Dich mer hoog en heilig
Vandaag ein eigen hoes
In mien hertj' ein det vas sjteit en veilig,
Wiej 'et róndjóm auch raos en boes.

En kómme d'r nog weer ins barbaren,
Al kreeg ich mie köpke-n-aaf,
Oos hertje det zal 'ch troew bewaren.
Al weurd 'et Dien heilig graaf.

Dan zal ich mit Dich verriezen
En, al geit het wiej het geit.
Op oos Hemelvaart angere nog wieze
DE waeg nao d' Eeuwigheid,
Jezus.