Levenders reden-feest, oft Amsteldams Helicon

Op-ghestelt By de Brabantsche Reden-Rijcke vergaderingh uyt Levender Ionst

Klinck-veers.

COmt lievers vande Konst der wel bespraecte reden,
Siet aen 't cierlijc vercier van d'opgecierde Maegt
Die waerdigh is dat zy de Lauwerier-croon draegt
Door haer zin-rijcken geest, en manierlijcke zeden.
Dus en verquist geen tyt, maer wilt tyts tyt besteden
Als rechte Konst-oeff'naers, dat elck een haer behaegt,
Op't twee-hoornigh gheberght, daer steets den lust een jaeght
Om hoogher meer en meer op kundtschaps trap te treden,

Waer ghy den Bloesem vint, end' oock de Kern daer by,

Die haer vvortel gront heeft tusschen d'Amstel en 't Y,
Hoewel Minerva kan een verhevender vvonste

Vercryghen, daer haer lof-baer faem meer vvort ontdeckt,

Maer haer liefdighe gunst t'onswaert (schijnt) noch wat streckt
Ziend' aen dat ons doen slecht is uyt Levender Ionste.

P.V.G. Liefde baert Vrede.