Levenders reden-feest, oft Amsteldams Helicon

Op-ghestelt By de Brabantsche Reden-Rijcke vergaderingh uyt Levender Ionst

[fol. I1v]

Sonnet.

MIdts eyghen vvaen sich selfs vaeck toeft door schyn van reden,
En veele Menschen sien, jae haken vroegh en laet
Nae 't gheen, waer in hun rust en luste streckt tot baet
Daer door sy vanden weck en buyten 't spoor gantsch treden,
Hier om uyt 'sLevens Ionst ghevraeght wort en ghebeden
T'antwoorden recht tot sticht met rijcke Re'ens beraet
Waer door den Mensch gheniet, en waer in dat bestaet
De meeste Rust, en Lust, te leven steets in vreden,
'T wert hier so deft verhaelt, 't wert hier so deft gheseydt,
Doorsoeckt, doorleest, doorgront, hoe't bondigh is beleydt,
Met antwoordt, waer door Rust en Lust meest is te vinden,
Dus Lesers leest, u wert te recht ghewesen aen
Te letten met opmerck den claeren wech te gaen,
Tracht die te volghen steets, slacht niet de siende blinden

G.G. Wie faelt mach keeren.

[fol. I2r]

GHelijck 'tLavender bloeyt soet-geurich vvit in't vvesen,
Soo bloeyt oock Reden-rijck by ons Wt 'sLevens Ionst,
En na't een spruytjen spruyt het ander weer by desen
Tot meerd'ring van heur Lof, tot vvelstandt vande Konst.