Gedigte

[p. 81]

Kom, Afrikaners!

Kom, Afrikaners, sing 'n lied,
Laat hoor jul stem in sang:
'n Nasie in sijn lentetijd
Gevoel die digkuns-drang.

Hef aan 'n lied van heldedaad,
Van mag teen owermag:
'n Nasie, wat sijn helde eer,
Sal niemand ooit verag.

Sing saggies van jul vrouwe-leed -
Maar wees op almaal trots:
'n Nasie, wat sijn vrouwe eer,
Staan vaster dan 'n rots.

Sing oor die vrede van die veld,
Van koppie en van rand:
'n Nasie wat sijn woonplaas eer,
Bouw nooit op losse sand.

Kom, Afrikaners, sing nou luid,
En laat jul stemme hoor,
Hef aan 'n lied wat oweral
Ons nasie sal bekoor!