Gedigte

[p. 72]

Dingaansdag (1914)

Soals 'n drenkeling, bedreig deur Dood,
Spartel en spat en sij ganse mag verset
Teen woedende waters; en dan ternouernood
Deur magtige hande uit grote gevaar word gered -
So worstel ons Verlede rond vandag
Voor mij verstand se oog. Ons hef hom bo
Die See van Lang-Vergeet-Al met die krag,
Wat ons Geheue noem .... En ons sit so
En peins oor wat gelij is in die hoop,
Dat volle vrijheid onse lot sal wees.
Maar ag, ons land het ons met bloed gekoop -
Op menig grafsteen kan 'n mens dit lees -
En tog moet ons, die brekers van die baan,
Die Pioniers, ons pad nog oral slaan!