Een geestelijck liedt-boecxken
(1972)–David Joris–
Auteursrechtelijk beschermd
[Folio 62v]
| |
[Folio 63r]
| |
Ghy ware Christen allen:
Laet ons sijn Woordt niet schamen,
Godts eere welbevallen:
Godts eere welbevallen,
Wilt u doch vast beholden,
Aen die rechte Ridderschaft,
Doen als alle vrome Olden,
In lief-
| |
[Folio 63v]
| |
den niet verkolden,
Blijft int gheloof,
Godts eewige Kraft.
Christus, Coninck unde Heere,
Alleen Edel und' Hooch-gebooren,
Is't Rijck, die Macht unde Eere,
Over al wilt na hem hooren:
| |
[Folio 64r]
| |
In tucht, wijsheydt unde verstandt,
Gaet hy-se te boven al,
Van al versocht unde wel bekandt,
Daerom holdt u in synen bandt,
Soo en komdy niet in Lucifers val.
Of schoon die Werlt noch soo blindt,
Alle Menschen hem willen verneeren,
So blijft hy den Soon eewich bemint,
Wiens Rijck unde Hoocheyt moet meeren:
Al is't dat die boose wil letten,
Alleen des Werlts Rijck voorstaen,
So kan hijt hem niet versetten,
| |
[Folio 64v]
| |
Mit Busch, Swaert noch mit Wetten,
Godes wil unde woordt sal eewich bestaen.
Daerom hebt moet ghy Vromen,
Ghy Ruyteren Christi frisch unde ghesondt:
Die mit hem te velde sijt komen,
Te holden u Eedt mit dat verbondt:
Laet u doch niet verdrieten,
Om dattet is een ander tijdt:
Vuyrich gheschut op u siet schieten,
Alle onghemack moet ghenieten,
Unde altoos moet sijn nu inden strijdt.
Wacht u doch alle ghelijcke,
| |
[Folio 65r]
| |
Wilt dat onthouwen wis,
Beyde arm en rijcke,
Gheen vleysch te betrouwen is:
Al ist schoon van dijn bloede,
Dijn naesten unde besten Vrunt:
Gheen deucht ick hem vermoede,
So hy wederstrijdt het goede,
Christo die victorie niet en gunt.
Prince Godt eewich waerachtich,
Ghedenckt die overdaet:
Die nu sijn preutsch, moedich unde machtich,
stolt unde moetwillich quaet:
| |
[Folio 65v]
| |
Laet hen vernemen u handt,
Die weder u Eere te velde leyt,
Dat over al het Landt,
Uwen Name hooch-bekandt,
Ghegheven werd' die Heerlijckheyt.
FINIS.
|
|