Een geestelijck liedt-boecxken
(1972)–David Joris–
Auteursrechtelijk beschermd
[Folio 27r]
| |
[Folio 27v]
| |
der Werelt heeft gheweest:
Die salich wil leven komt op alle lyden,
Die Gherechte Godts kinderen sijn nu meest,
Belast, beswaert, mit pynen bevreest,
Mit vervolch, leest,
Dat nye als nu soo wel en
| |
[Folio 28r]
| |
was bekandt:
Nu triumpheert die Sathansche Gheest,
Wandt die boosheydt heeft die overhandt.
| |
[Folio 28v]
| |
Dat recht is in onrechte verwendt in blijcken,
Die Waerheydt is gantsch in loghen verkeert:
Dat Licht moet voor die duysternisse wijcken,
Die sotte werdt voor die wyse gheeert:
Het quaet werdt ons voor t'goede gheleert,
Die sonde vermeert,
Het suyr werdt soet unde t'soet werdt suyr ghemaeckt,
Die doodt werdt voor dat leven begheert,
Christus werdt voor Barrabam versaeckt.
Waer is die hooghe kennisse Godts ghebleven,
Waer is sijn leer, sijn raet, sijn Majesteyt,
Werdt sy niet verjaecht, wt alle Landen verdreven,
| |
[Folio 29r]
| |
Mit die te recht Godts kennisse verbreydt:
Die Waerheydt werdt ghevanghen gheleydt,
Soo Jesajas seydt:
Haer soete reden wordt vertreden ris,
Hoe luttel wert es besucht, beschreydt,
Want die boosheyt overvloedich worden is.
Dat lautere clare mach niet te voorschijn kommen,
Christus die Waerheydt werdt nu heel bedeckt,
In alle plaetsen oock haer schijnsel benomen,
Die schoonheyt van Zion leelijck bevleckt:
Soo wie hem vanden quaden aftreckt,
Werdt seer begeckt,
| |
[Folio 29v]
| |
Berooft, gheplondert datment hoorden,
Die Werlt straft, die Godts Woordt spreeckt,
O Werlt hoe wilt ghijt verantwoorden.
Klach, ach unde wee sult ghy Ja eewelijck aenvaerden,
Dat Helsche Oordeel daer ghy niet op en acht:
Dat eynde compt over die vier hoecken der Aerden,
Dat eynde Ja eynde overvalt u mit macht:
Die gherechte werdt gheruckt wt dat boose gheslacht,
Hebt daer op acht,
Godts Seyssen sal aen u beklyven al,
Die u inder Aerden sal slaen mit kracht,
Datter tack noch wortel overblyven sal.
| |
[Folio 30r]
| |
Der dach des toorens, jammers, der Dach der wraecken,
Kompt nu over Zion, Godts beminde Stat:
Die over des Heeren vianden sal blaecken,
Sijn bruyneerde scherpe Swaerdt sal snyden, Ja dat,
Om te houwen, te slaen, al is ghevat,
Ghy die nu sat,
Unde sonder sorghe sijt mit verblyden.
Die u leven boven Godt lief hebt ghehadt,
Sal t'bruyneerde scherpe Swaert deursnyden.
Prince voor dien Dach mach die Aerde wel vluchten,
Jammerlijck huylen over haar boosheydt groot:
Rammen unde Bocken sullen O so swaerlijck suchten,
| |
[Folio 30v]
| |
Grouwelijck vruchten over haer verwoestheydt bloot:
Want Godt sal wreecken der Heylighen doot,
In haren schoot,
Soo ons die Schrituer te oorkonden gheeft:
D'Aerde sal openbaren haer bloede root,
Dat sy vander Werlt aen verslonden heeft.
FINIS. Anno 1535.
|
|