Een geestelijck liedt-boecxken
(1972)–David Joris–
Auteursrechtelijk beschermd
[Folio 22r]
| |
[Folio 22v]
| |
Hierom certeyn,
Wy moeten wat besuyren,
Een kleyn gheweyn,
Ten sal niet eewich duy-
| |
[Folio 23r]
| |
ren.
En laet u niet verdrieten,
Al schijnt Godts Arm swaer:
Wy sullen sijn Rijck ghenieten,
Komen in sijn glorie claer:
Want Godt is onsen Vaer,
Waerom willen wy truyren:
T'is t'leste Jaer,
Ten sal niet eewich duyren.
| |
[Folio 23v]
| |
Waerom slaeft ghy Sot dus seere,
Unde staet op aldus vroech:
En meent ghy nimmermeere,
Te hebben goets ghenoech:
U handt is aen die ploech,
Unde siet om nader schuyren,
Daer u hert op loech,
Ten sal niet eewich duyren.
O Heer al van hier booven,
Der in den hemel sijt:
U Woordt sy niet ghelooven,
Hier inder werlt bevrijt,
| |
[Folio 24r]
| |
Mit grooter spijt,
Setten sy ons tusschen die muyren,
Een korten tijt,
Ten sal niet eewich duyren.
Prince Godt onsen Vader,
Der voor ons sorghe draecht:
Ghy sijt onsen Berader,
Wie isser der noch claecht:
Soo het u behaecht,
Hebdy ons willen puyren,
T'schijnt dat ghy ons plaecht,
Ten sal niet eewich duyren.
FINIS. Anno. 1531.
|
|