Een geestelijck liedt-boecxken

[fol. 8v]

[Ontwaeckt ghy wtvercoren droevighe Geesten kleyne]

Ontwaeckt ghy wtvercoren droevighe Geesten kleyne,
Staet op van den

[fol. 9r]

 

slape, t'is s'Heeren bede:

 

Aenhoort des Engels Stemme seer reyne,

 

Want hy vercondicht u d'eewighe vrede:

 

Hoort Jacobs Huyse und' Davids mede,

 

U verschijnt wt Zion, des Heeren Stede,

 

Den Coninck

[fol. 9v]

 

van Israel, die u brengt te gaer,

 

Verblijdt u in dat soete Nieuwe-Jaer.

 

 

 

O Jerusalem hooch geseten wijt,

 

Zion unde Israel wilt jubileeren:

 

Godts Christen-Lieden die onvergheten sijt,

 

Heylighe vergaderinghe wilt vreuchd' vermeeren:

[fol. 10r]

 

Ghy Princen, Ridderen, Coninghen, Heeren,

 

Ghekleedt mit heyl unde salige Kleeren,

 

Verciert mit waerheyt als der Engelen Schaer,

 

Verblijdt u in dat soete Nieuwe-Jaer.

 

 

 

Doet wech het ghewach, t'gheklach der Dooden,

 

Vergheet den beet van Adam und' Eva t'Wijf,

 

Daer wy unde sy deur kommen in nooden:

 

Maer tot Godts glorie unde Heerlijckheyt stijf,

 

Sijn macht, sijn cracht, sijn liefste bedrijf,

 

Te toonen sijn goetheyt aen Ziel unde Lijf,

 

Te maecken sijn meeste Liefde openbaer:

 

Verblijdt u in dat soete Nieuwe-Jaer.

 

 

[fol. 10v]

 

Godt en heeft ons niet ghedaen of ghetoont,

 

Na wy sijn schuldich mennichvuldich hoort:

 

Noch na onse sonden oock niet gheloont,

 

Of in onse misdaet willen sijn ghestoort:

 

Ons overtreden blijft in hem versmoort,

 

Want hy heeft Davidt ghesworen dat Woort,

 

Op sijn Saet niet te vergrammen eenpaer:

 

Verblijdt u in dat soete Nieuwe-Jaer.

 

 

 

FINIS. ANNO 1531.