Een geestelijck liedt-boecxken
(1972)–David Joris–
Auteursrechtelijk beschermd
[Folio 1r]
| |
[Folio 1v]
| |
nu is ghebracht:
Maer druck die werdt deur hope noch al verdreven,
Des sy Godt eewich lof toe gheschreven.
| |
[Folio 2r]
| |
Bevinghe unde angst heeft my nu dick bevaen,
Deerlijcke krimpinghe, wilt dit beseven,
Troosteloos te maecken wil my die Viandt raen:
Maer druck die werdt deur hope noch al verdreven:
Des sy Godt eewich lof toegheschreven.
Al mijn ghebeenten sijn dick in my verstoort,
Als ick ghedencke mijn vleysch unde leven,
Soo werden mijn sinnekens gheheel discoort:
Maer druck die werdt deur hope noch al verdreven,
Des sy Godt eewich lof toegheschreven.
Doen 't my wel ginck, sprack ic in mijn herte verheucht,
Sal eewelijck blyven sonder sneven
| |
[Folio 2v]
| |
Doen der Heer hem verberch, verschrickte mijn Jonghe Jeucht:
Maer druck die werdt deur hope noch al verdreven,
Des sy Godt eewich lof toegheschreven.
Al ghy Heylighen singht Godt groot lof altijdt,
Und' danckt Godes Heerlijckheydt hooch verheven,
Tot een ghedenckenis, want hy ons verblijdt:
Maer druck die werdt deur hope noch al verdreven,
Des sy Godt eewich lof toegheschreven.
Die daer nu staet, sie toe dat hy niet en valt,
Als winden stormen op hem sullen sweven,
Unde als den troost van den Vader mit hem smalt:
| |
[Folio 3r]
| |
Maer druck die wert deur hope noch al verdreven,
Des sy Godt eewich lof toegheschreven.
FINIS. In Julio. Anno 1529.
|
|