Letterkundig overzigt en proeven van de Nederlandsche volkszangen sedert de XVde eeuw

[p. 103]

VI.
Referein.

Ghi jonge wellustige coxen weeldekens
Die van een ponde t'sjaers deynde maken
Siende dees schoon levende beeldekens
Denckende hoe mochte ic daer aen geraken
Spaert geenen cost, 't zijn al cleynsaken
In mommerien oft in bancketten
Recht oft ghi 't ghelt hadt van seven craken⁺
Peysende men macht mi niet vernetten
Willen u vrienden u dan dat beletten
Segt 't mach er af, oft wat wildy veel kiven
Al soudi u hondert pont tachter setten
Men mach geen ghelt eten, 't sou ons verstiven
't Goet hoort der werelt, het moeter bliven.

Die in Venus prieel jolitelycxt verblien
Die t'allen kermissen mildelycxt gheven
Die al om eel zijn, om t'sine verheven
Die den meynacht planten met scriften gescreven
Die tot Brugge hem twee een schip gaet hueren
Die altijt huesschelijc ende rustelijc leven
Ende bi gheen gelt en can gedueren
Die al lachende bijster werden, en niet te vueren
Die van vijftich connen tellen tot viven
Dees singen jolitein als blinden trueren
Heyda weest vrolijc, lust vraeckt bedriven
't Goet hoort der werelt. het moeter bliven.

+ O.I. schepen

[p. 104]

3.

 

Suycker met pollepels dats nu den aert

 

Een gebraden boterken, geen cost gespaert

 

Na maeltijt ypocras, dat is een ghilde

 

Fysanen, lampraeskens loopende int wilde

 

Snoecken bereyt in amanderije

 

Stuer ende salm, wient deert oft schilde

 

Een harinc een stuyver, eermer na beyt

 

Eijerkens als rooskens net bespreyt

 

Ingelsche taertkens voor d'edele liven

 

Een amandel boterken ons ooc wel greyt

 

Laet al comen, al souder pover becliven

 

't Goet hoort der werelt, het moeter bliven.

Een doljerken wtgheblasen
Ghemenghet met specien menighertiere
Ghebraden aen een stecxken, 't zijn vise vasen
Ghedroopt met boeter heet, aen den viere
Okernoten in wijn gesoden, al is hy diere
Ghepelt, ghesuykert, ter eeren van wiven
Pasteykens bereyt na leckeren bestiere
Nonfoortse al costet golden schiven
't Goer hoort der werelt, het moeter bliven.

Refereynen in't Wys, Amoureus, Sot. Antwerpen 1548.