Een nieu gheestelijck Meyliedeken, op die selfde wijse: Den lustelijcke mey Christus plaisant.
DEuote Catholijcken alle ghemeyn,
Laet vreucht in v herte voncken,
Want Christus onsen Heere en bruydegom reyn,
Sijn lieue Bruyt heeft geschoncken,
Eenen schoonen welrieckenden meyboom fris,
Die nu van Helena geuonden is,
Op caluarien die contreye,
Is gehaelt desen groenen Meye.
Al was hy vanden Joden neder geslecht,
En begrauen inder eerden,
Die Catholijcke Kercke heeft hem opgerecht,
Hooch verheuen met grooter weerden,
Om dat ons soo grooten weldaet is geschiet,
Aen den Heyligen meyboom des Cruycen siet,
| |
Hier beneden in dese valleye,
Eeren wy desen groenen Meye.
Bouen alle boomen int aertsche dal,
Is desen meyboom weerdich bouen al,
Door die crachten die wt hem vloeyen,
Om dat hy besprengt is met Jesus bloet
Soo heeft hy wel rieckende bloemen soet,
En schoon vruchten menichderleye,
Ontfangen wy v in desen groenen Meye.
Hierom deuote siele v ooghen opslaet,
En wilt neerstelijck aenmercken,
Maer desen groenen meyboom ghebloeyet staet,
Inden boomgaert der heyligher Kercken,
Daer is hy van Christo geplant en gebracht,
Daer eetmen zijn vruchten, daer toont hy zijn cracht,
In die schoone wellustige weye,
Sult ghy vinden desen groenen Meye.
O ghy beminde bruyt v met vreuchden vermaect,
Onder desen mey te rusten,
Pluckt van zijn schoone bloemen, sijn vruchten smaeckt,
Sy zijn vol Hemelsche lusten,
Waert dat v die weerdicheyt waer bekent,
Van desen welrieckenden meyboom ient,
Hier in dese wereltsche heye,
Sout ghy minnen desen groenen Meye.
Weerdich is desen meyboom des Cruycen fier,
Siet wy eeren hem met weerdicheyt hier,
Om dat Christus daer aen heeft gehangen,
En voor ons gestoruen die bitter doot,
Soo is hy van deuchden en crachten groot,
In alle droefheyt en geschreye,
Is seer troostelijck desen groenen Meye.
O Princelijcke Bruydegom triumphant,
Die v beminde Bruyt nu hebt geplant,
Desen Heyligen mey gepresen,
Die nv staet ontloken en schoon verciert,
Wiens feestdach die Heylige Kercke nv viert,
| |
Auteursrechtvrij