Noch een ander Gheestelijck Liedeken, van de selue gloriose Moeder ende Maget Maria, op de wijse: Het waren twee ghespeelkens goet.
Ghy Hemelsche Coninginne,
Die Godt den Vader altoos hebt behaecht,
Ghy sijt zijn lieue dochter schoon,
Om dat ghy moeder zijt van zijnen Soon,
Van Godt den Heyligen gheest voorwaer,
Sijt ghy een bruyt gepresen,
Ghy sonderlinge suyuer maget claer,
Hoe mocht ghy meerder wesen.
Ghy waert een tabernakel bereyt,
Vol Hemelsche contemplatie,
Waer in die heylige drijvuldicheyt,
Gherust heeft met zijn gratie.
Ghy zijt oock een sacrarie soet,
Een heylige Tempel des Heeren,
Die vanden oppersten Bisschop goet,
Ghewijt zijt tot zijnder eeren.
Ghy zijt oock een stadt Godts certeyn.
Daer den Coninck in heeft gelegen,
Die aen zijn Keyserlijcke Vader reyn,
Ons pardoen heeft vercregen.
Ghy waert die gulden cruycke minioot,
Die arck verciert met deuchden,
Waer in dat leuende Hemels broot,
Ruste met grooter vreuchden.
Ghy zijt die Roy van Jesse vruchtbaer,
| |
Daer die bloeme is wt-geresen,
Christus die Sonne der rechtveerdicheyt claer,
Dat eeuwich licht gepresen.
Ghy zijt een Zee-sterre delicaet,
Door dese troublente wateren quaet,
Ghy zijt een Spiegel onbevleckt,
Daermen in mach aenschouwen,
Alle deuchdelijcke wercken seer perfeckt,
Ghy zijt een Lelie sonder smet,
Een roose van Jericho puere,
V soon heeft hem zijn hooft verplet,
Het Serpent quaet en sture.
Ghelijck als Balsem en Caneel,
Soo geeft ghy soeten guere,
Hier bouen in dat Hemelsche prieel,
Bloeyt ghy van schoon coleure.
Om dat ghy waert soo deuchdelijck,
Geheel perfeckt van leuen,
Daerom zijt ghy in Hemelrijck,
Van Godt seer hooch verheuen.
Ghy zijt verheuen inden troon,
Bouen die Engelen Chooren,
Dagelijckx bidt ghy uwen Soon,
Dat hy ons sou verhooren.
Daer sidt ghy aen zijn rechter hant,
Verciert met alle schoonheyt triumphant,
Rust ghy in weelden blije.
Van alle dat Hemelsche gesin,
Sijt ghy een Vrouwe en een Coningin,
Sy eeren v oock met lusten.
Ghy zijt gecroont met sterren voorwaer,
Die mane is onder v voeten,
Bouen die Sonne blinckt ghy schoon en claer,
Hierom ist dat wy v groeten,
O weerdighe Princersse soet,
| |
Auteursrechtvrij