Een nieu geestelijck nieuwe Jaerliedeken
Op de wijse: alsoot beghint.
Besijden set alle droefheyt snel,
Belijden so hoortmen Hemels spel,
Want ons is gheboren waerachtich,
Een Coninck vercoren seer crachtich,,
Dus en weest hem niet rebel,,
Hy is oock onsen broeder,
Sijn moeder dat is een maghet fijn,
Oock is hy ons behoeder,,
Een voeder van die daer hongherich zijn,
| |
Wilt desen beminden gaen soecken,,
Ghy sult hem nv vinden in doecken,,
Sijn liefelijck aenschijn,,
Teghen des doots fenijn,,
Comt doch en spoet u seere,
Met eere aenbidt zijn Maiesteyt.
Hy is ons Godt en Heere,,
Seer teere hy in een Cribbe leyt,
In doecken ghewonden mits desen,
Hy sal onse sonden ghenesen,,
Al zijnse groot en swaer,
Niet langher en verbeyt,,
Met die Engelsche schaer,,
Looft hem met vrolijckheden,,
Vertreden heeft hy den vyant quaet,,
Gheleden heeft hy voor ons misdaet
Hy is onsen Coninck wtghelesen,,
Veel soeter dan honich ghepresen,,
Die seer goet is voorwaer,
Knielt voor zijnen Outaer,,
Hebt desen Prince voor ooghen,,
Wilt booghen v knien voor zijnen naem,
| |
Een maghet moet hem sooghen,,
Den hoogen Coninck ons Godt eersaem,
Hy daelden van bouen certeyne,,
Dus laet ons hem louen ghemeyne,,
Die sonder smet oft blaem,,
Quam van dees maecht eerbaer,
Seer Heerlijck is zijn faem,,
Dus ick my niet en schaem,
Hem lof te singhen naer,,
|
|
Auteursrechtvrij