Versche wonden ghenesen.
EErenprijs in water gesoden ende gedroncken, gheneest versche wonden.
Een bladt met sijn wortel opgheleyt, is goet.
'Tsap van lelibladeren met azijn in een coperen panneken ghesoden, ende met een dobbel doecxken op de wonden gheleyt, gheneest de selve.
Centaurea groen ghestooten opgheleyt, gheneest versche wonden.
Appelboom-bladeren ghestooten, op de wonden gheleyt.
Persse-bladeren gedrooght, ende in versche wonden ghestroyt, gheneestse.
Peeren, ende oock de bladeren ghenesen.
Eycken-bladeren cleyn ghestooten, ende opgheleyt, stelpen oock het bloeden.
Sindau oft Sanikel opgheleyt, ghenest wel.
Heydens wondtcruyt opgheleyt.
Walwortel oft Consolida major gelijck een plaester opgheleyt.
Voeght de lippen der wonden t'samen, ende leght daer op werck ghenet in wit van eye, ghemenght met een weynigh sout, ende binter dat op, het geneest.
Brandewijn mede ghewasschen, gheneest haestelijck.
Auteursrechtvrij