Verhitheydt vercoelen.
DIe Meesters segghen: Donderbaert gestooten alleen oft met meel van gheersten-mout vermenght, opgeheleyt, ghenesen verhitheydt.
Violetten in water ghesoden ende ghedroncken, oft conserve daer af inghenomen, vercoelt inwendighe hitten.
Groene bladeren van nachtschade ghestooten, ende met meel van ghersten-mout vermenght, opgheleyt, treckt den brandt uyt.
Porceleyn-bladeren met meel van gersten mout vermenght, opgheleyt, ghenesen verhitheydt.
Sap van roosen op ghestreken, oft roos-salf vercoelt de verhitheydt.
Vochtigheyt van Granaet-appelen ingenomen, gheneest verhitheydt.
Auteursrechtvrij