Tanden schoon ende vast maken.
DIe vernufte Meesterssen segghen, dat asschen van Roosmareyn ghebrandt, ende de tanden mede ghewreven, maecktse schoon ende vast.
Porceleyn inden mondt gehouden ende geknaut, doet de tanden vast staen.
Granaetschellen in water ghesoden, den mondt mede gespoelt, maectse schoon, ende doetse vast staen.
Lapis Calminaris in loopende water gedaen ende daer mede ghewasschen alle daegh eens een maent lanck, reynight de tanden, ende maecktse vast.
'Tis goet alsmen ghegeten heeft, datmen den mont spoelt, datmen ghewent met een openachtige mondt te slapen, ende 'smorghens uyt te spouwen, snuyten, reynighen, ende de tanden wrijven ende wasschen met schoon water.
Auteursrechtvrij