Vuyle ende heete voorts-etende sweeringhen suyveren ende ghenesen.
MVer ghestooten ende opgheleyt, ofte bladeren van Pimpernel groen ghestooten ende opghedaen, ghenesen vuyle sweeringhen.
'Tsap van Lelibladeren in een coperen panneken met azijn ende honigh ghesoden ende mede gewasschen, reynight vuyle voorts-etende sweeringen.
De bladeren van vlier groen ghestooten ende opgheleyt, ghenesen vuyle sweeringhen.
De bladeren van claproosen met de groene bollekens ghestooten, zijn seer goet gheleyt op quade sweeringhen.
Kool-bladeren met honigh vermenght ende opgheleyt, ghenesen sweeringhen.
Wijn mede ghewasschen, oft nuchteren speecksel opghestreken, ghenesen opene vuyle gaten.
Alluyn-water mede ghewasschen, oft sout-water mede ghewasschen, reynighen vuyle voorts etende sweeringhen.
Auteursrechtvrij