Steenbreken af drijven, doen rijsen.
'TSap van Limoenen inghenomen, wordt van velen ghepresen.
Mater sonder de bloemen in water ghesoden ende ghedroncken, doet den steen rijsen.
Water van Raphanus in-ghedronken, is goet voor den steen.
Onsen vrouwen bedstroo met wijn oft water gesoden ende ghedroncken, gheneest den steen.
De jonghe bladerkens van cruysbayen rau gegeten, helpt.
De steenen van mispelen gepoedert ende ingenomen.
Saxifraga is goet ghenut den ghenen die ghebreck vanden steen hebben.
Brembloem-water ghedistilleert (maer eerst gepurgeert het lichaem) ende inghedroncken.
Daucus-saet ghestooten met wijn ingenomen, is goet voor den steen.
Camille-bloemen, Mallot-bloemen, elcks een hant vol, witte maluwe-bloemen, Comijn een half hant vol gesoden op eenen pot wijns op de helft, ende dit ghedroncken, is goet voor den steen.
Auteursrechtvrij