Den schat der armen oft een medecijn-boecxken

Ooghen die root en loopende zijn helpen.

NEemt ganzerick gheheeten Argentina, siedt het in water, wast daer d'oogen mede, het droocht en vercoelt roode loopende ooghen.

Matelieve cruyt of coren bloemen ghestooten, op roode loopende ooghen gheleyt, gheneestse.

Water ghedistilleert van Mey bloemkens, gheneest roode loopende ooghen alsmense daer mede wast.

Boonen meel met azijn nat ghemaeckt ende ge-

[p. 112]

wermt ende desen roock inde ooghen ontfanghen, gheneest roode loopende ooghen.

Huysloock gestooten ende 'tsappe deur gedaen, en dan in een eys doppe ghesoden en gheschuymt, en dun met een doecxken over die ooghen gheleyt, gheneest terstont roode loopende ooghen.