Den schat der armen oft een medecijn-boecxken

Ooghen schellen, vlecken, plecken, donckerheyt ghenesen.

DIe ervaren Medecijn-meesters segghen, dat het sappe van muyr bloemen inde ooghen ghedruypt, neemt wech duysterheyt der ooghen.

[p. 111]

De lever van een Aelputte oly wt gebraden inde Sonne of by 'tvier, ende met een veerken inde ooghen ghedrupt, bijt af schellen vander ooghen.

Schelcruyt sappe inde oogen ghedaen, of in een coperen panneken met honich vermengt ende gesoden ende dan inde oogen gedaen, geneest de schelle der ooghen.

Neemt een glaesken wijns, twee lepels met honich, een weynich souts, met twee vingeren gegrepen, doet dit in een becken twee nachten lang, doet dit dan deur een doecxken ende doetet inde oogen, het verdrijft vlecken en schellen vander ooghen.