Den schat der armen oft een medecijn-boecxken

Ooghen claer maken.

ALsemwater opgewelt met maechden honich, en d'ooghen daer mede ghewassen, verclaert die ooghen.

Ooghen troost water inde ooghen gedaen, verclaert het ghesichte.

Ooghen troost ghepoedert met Venckel saet ende Folie, ende eenen lepel vol smorgens inne ghenomen, sterckt het ghesichte ende maeckt de ooghen claer

Ooghen troost in wijn of bier gheweyckt ende ghedroncken, verclaert de ooghen.

Lijnsaet in cleyn vier ghesoden en d'oogen daer mede ghewassen, verlicht de donckere ooghen.

Wijnruyte op boter en broot gegheten, verclaert het ghesichte.

[p. 109]

Venckel water de ooghen mede ghewasschen, maeckt het ghesichte claer.