Den schat der armen oft een medecijn-boecxken

Moeder ghebreken en weedom helpen.

DIe vroukens die wat meesteren, weten wel, dat Mater in water ghesoden ende daer inne gebaet, gheneest den weedom des moeders.

Water daer Lijnsaet in ghesoden is met een clistery gebruyckt, versacht die pijne van de moeder.

Vijfthien of sesthien Pioni saden die swert zijn gepulveriseert, met wijn of met mede gedroncken, genesen den weedom ende gebreken des moeders.

Mostaert inden neus gedaen, helpt wel om des moeders gebreck te helpen.

[p. 104]

Notemuscaet ghegheten of in wijn ingenomen, ghenesen die ghebreken des Moeders.

In Camille bloem water ghebaet, is goet voor den weedom des moeders.