Melancolie ghenesen.
MElancolie comt van al te groote sorge ende te groote becommernisse sonder eenighe vermakelijckheyt, teeckens hier af zijn, vael van aensichte, treurich, cleyn van polse, die urine is dun ende wit, ende sy zijn stilswijghende ende bevreest. Besiet, Teeringhe ghenesen.
Item wijn daer in gesoden hebben Buglos bloemen ende wortelen, ende desen dranc salmen drincken soo langhe tot dattet vergaen is.
Senebladeren in melc-wey gesoden ende dese purgatie inne genomen, verdrijft swaermoedicheydt.
Versche weecke eyeren gegeten, verfraeyen des menschen hert, ende verdrijven melancolie.
Bernage bloemkens in wijn gesoden ende daer af ghedroncken, verdrijft melancolie, ende maeckt een mensche vrolijck en bly.
Auteursrechtvrij