Den schat der armen oft een medecijn-boecxken

Levers ghebreken helpen.

ALsem wijn gedroncken, gheneest het ghebreck des Levers.

Agrimonie ghesoden in bier ende ghedroncken, gheneest het ghebreck des Levers. Tormentil met bladeren ende wortelen gesoden of ghestooten ende

[p. 95]

ghedroncken, gheneest een quade Lever.

Camille bloemen in wijn ghesoden ende ghedroncken, versacht die pijn des Levers. Saffraen gebesicht in spijs oft dranck, helpt de Lever.

Die wortel van Yringium in wijn ghesoden ende ghedroncken, gheneest de Lever. Calissihout ghenutticht, versacht de pijn des Levers.

Rhaberber gepulveriseert een weynichsken, ende gheroert onder een doyerken van een versch hinnen eye, dit ghegheten, helpt het ghebreck des Levers.